اسلام آباد (این این آئی)وزارت مذہبی امور نے کہا ہے کہ مجالمہ حج ویزے کا اجراء سعودی سفیر کا صوابدیدی اختیار ہے، وزارت مذہبی امور کا اس سے کوئی تعلق نہیں۔ منگل کو وزارت مذہبی امور کے ترجمان نے اپنے وضاحتی بیان میں کہا ہے کہ مجالمہ حج ویزوں کے تمام انتظامات جانے والے کے

ذمے ہوتے ہیں۔ سعودی عرب کی رہائش، ٹرانسپورٹ، قربانی اور ٹکٹ کا بندوبست خود کرنا پڑتا ہے۔ عوام سے اپیل کی جاتی ہے کہ جعلی مجالمہ حج پیکج کی تشہیر کرنے والوں سے ہوشیار رہیں۔ وزارت مذہبی امور مجالمہ حج ویزہ پر فریضہ حج کی ادائیگی کیلئے جانے والوں کی ذمہ دار نہیں ہوگی۔

موضوعات:سعودی سفیر مجالمہ حج ویزہ وزارت مذہبی امور