اسلام آباد(مانیٹرنگ ڈیسک)تحریک انصاف کے پارلیمانی پارٹی کا اجلاس، عمران خان وزیراعظم نامزد، شاہ محمود قریشی کا نام سپیکر قومی اسمبلی کیلئے فائنل کر لیا گیا۔ تفصیلات کے مطابق تحریک انصاف کے پارلیمانی پارٹی اجلاس میں عمران خان کو باقاعدہ طور پر وزیراعظم نامزد کر دیا گیا ہے۔ نجی ٹی وی رپورٹ کے مطابق عمران خان بھاری پروٹوکول کےہمراہ بنی گالا سے اجلاس میں شرکت کیلئے اسلام آباد کے مقامی ہوٹل پہنچے جہاں انہوں نے تحریک انصاف کی پارلیمانی پارٹی اجلاس کی صدارت کی ۔ اجلاس میں عمران خان

کو باقاعدہ طور پر وزیراعظم نامزد کر دیا ہے جبکہ سپیکر قومی اسمبلی کیلئے شاہ محمود قریشی کا نام فائنل کر لیا گیا ہے۔ واضح رہے کہ معروف صحافی حامد میر نے اپنے آج کے کالم میں انکشاف کیا تھا کہ عمران خان نے ملاقات میں انہیں پارٹی رہنما کا نام بتاتے ہوئے کہا تھا کہ وہ اسے وزیر خارجہ کے طور پر سامنے لانا چاہتے ہیں مگر وہ پارٹی رہنما سپیکر قومی اسمبلی بننا چاہتا ہے۔ تاہم حامد میر نے شاہ محمود کا نام نہیں لیا تھا مگر اب آنیوالی خبر میں یہ بات سامنے آگئی ہے کہ عمران خان شاہ محمود قریشی کو وزیر خارجہ بنانا چاہتے تھے۔