اسلام آباد(مانیٹرنگ ڈیسک)عمران خان کو وزیراعظم بننے سے پہلے ہی سرکاری پروٹوکول دیدیا گیا، تحریک انصاف کے پارلیمانی پارٹی اجلاس میں شرکت کیلئے بنی گالا سے روانہ، پروٹوکول میں 10سرکاری گاڑیاں، چاک و چوبند کمانڈوز ۔ تفصیلات کے مطابق عمران خان تحریک انصاف کے پارلیمانی پارٹی اجلاس میں شرکت کیلئے بنی گالا سے روانہ ہو گئے ہیں۔ عمران خان کو بنی گالا سے سرکاری پروٹوکول میں مقامی ہوٹل لے جایا جا رہا ہے اور ان کے پروٹوکول میں 10سرکاری گاڑیاں
جن میں پولیس اور کمانڈوز کے چاک و چوبند اہلکار شامل ہیں۔ عمران خان کا کانوائے بنی گالا کے بیرئیر سے کراس کر کے آگے جا چکا ہے ۔ بیرئیر پر بھی پولیس اور ایف سی کے چاک وچوبند اہلکاروں نے کانوائے کیلئے بیئرئیر اٹھایا ہے۔ واضح رہے کہ آج تحریک انصاف کے پارلیمانی پارٹی اجلاس میں عمران خان کو باقاعدہ طور پر وزیراعظم کیلئے نامزد کر دیا جائے گا۔ اجلاس میں عوامی مسلم لیگ کے سربراہ شیخ رشید احمد بھی شامل ہونگے جو کہ اجلاس میں شرکت کیلئے ہوٹل میں پہنچ چکے ہیں۔
