اسلام آباد( آئی این پی) قومی اسمبلی میں اقلیتوں کی مخصوص نشستوں پر متوقع امیدواروں کے نام سامنے آ گئے،قومی اسمبلی میں اقلیتوں کی کل 10مخصوص نشستوں میں سے تحریک انصاف کو 5 ،میں مسلم لیگ ن اور پیپلز پارٹی کو دو دو جبکہ ایم ایم اے کوایک نشست ملنے کا امکان ہے ،مخصوص نشستوں کے نوٹیفیکیشن کا اجرا نو منتخب ارکان قومی اسمبلی کی کامیابی کے نوٹیفیکیشن کے بعد ہو گا۔
تفصیلات کے مطابق قومی اسمبلی میں اقلیتوں کی مخصوص نشستوں پر متوقع امیدواروں کے نام سامنے آ گئے۔قومی اسمبلی میں اقلیتوں کی کل 10مخصوص نشستیں ہیں۔ذرائع کے مطابق اقلیتوں کی دس مخصوص نشستوں میں سے تحریک انصاف کو 5 مخصوص نشستیں ملنے کا امکان ہے ،تحریک انصاف کے لال چند ، شنیلا رتھ، رمیش کمار ،جے پرکاش اور جمشید تھامس کو مخصوص نشستیں ملنے کی توقع ہے۔ ذرائع کے مطابق قومی اسمبلی میں مسلم لیگ ن اور پیپلز پارٹی کو دو دو اقلیتی نشستیں ملنے کا امکان ہے ،مسلم لیگ ن کے درشن لال اور کھیل داس کوہستانی کو مخصوص نشست ملنے کا امکان ہے۔ پیپلز پارٹی کے رمیش لال اور نوید عامر جیوا کو بھی مخصوص نشست ملنے کی توقع ہے۔ایم ایم اے کو ایک نشست ملنے کا امکان ہے،ایم ایم اے کے جیمز اقبال کو بھی مخصوص نشست ملنے کی توقع ہے۔ مخصوص نشستوں کے نوٹیفیکیشن کا اجرا نو منتخب ارکان قومی اسمبلی کی کامیابی کے نوٹیفیکیشن کے بعد ہو گا۔ قومی اسمبلی میں اقلیتوں کی مخصوص نشستوں پر متوقع امیدواروں کے نام سامنے آ گئے،قومی اسمبلی میں اقلیتوں کی کل 10مخصوص نشستوں میں سے تحریک انصاف کو 5 ،میں مسلم لیگ ن اور پیپلز پارٹی کو دو دو جبکہ ایم ایم اے کوایک نشست ملنے کا امکان ہے ،مخصوص نشستوں کے نوٹیفیکیشن کا اجرا نو منتخب ارکان قومی اسمبلی کی کامیابی کے نوٹیفیکیشن کے بعد ہو گا۔
