اسلام آباد (آئی این پی)چیئرمین تحریک انصاف عمران خان کی جانب سے پارلیمانی کمیٹی کا اجلاس آج طلب کرلیاگیا ۔ترجمان تحریک انصاف کے مطابق چیئرمین پاکستان تحریک انصاف عمران خان کی جانب سے پارلیمانی کمیٹی کا اجلاس( آج) اتوار کو طلب کرلیاگیا جو دن 2 بجے یہاں مقامی ہوٹل میں منعقد ہوگا۔ترجمان تحریک انصاف نے بتایا کہ پارٹی کے

منتخب تمام اراکین قومی اسمبلی کو اجلاس میں شرکت یقینی بنانے کی ہدایت کی گئی ہے ۔ ذرائع کے مطابق اجلاس میں حکومت سازی اور کابینہ کی تشکیل سے متعلق حتمی مشاورت ہو گی اور اس حوالے سے اہم فیصلے بھی کیے جائیں گے ۔ ذرائع کے مطابق اجلاس میں عمران خان ارکان قومی اسمبلی کوحکومت سازی کے معاملے پر اعتماد میں بھی لیں گے۔