اسلام آباد (مانیٹرنگ ڈیسک) وفاقی اداروں کے ملازمین کو عید سے پہلے تنخواہ اور پنشن دینے کا فیصلہ ، متعلقہ اداروں کو ہدایات جاری کر دی گئیں۔نجی ٹی وی کے مطابق محکمہ خزانہ کی جانب سے اکاونٹنٹ جنرل ملٹری، اکاونٹنٹ جنرل پاکستان ریونیو اور وزارت خارجہ کے چیف اکاونٹنٹ آفیسر کو سرکلر جاری کر دیا گیا ہے۔

جس میں کہا گیا ہے کہ عید الاضحی سے قبل وفاقی اداروں کے ملازمین کو تنخواہوں اور پنشن کی ادائیگی کے انتظامات کئے جائیں ، 17 اگست تک تنخواہ اور پنشن ادائیگی کر دی جائے، عید سے پہلے متعلقہ محکمے ہدایات پر عمل درآمد یقینی بنائیں۔واضح رہے کہ عیدالاضحیٰ 21 اگست کو متوقع ہے لیکن اس کا حتمی اعلان چاند پر منحصر ہے ۔