اسلام آباد (مانیٹرنگ ڈیسک) مریم نواز سابق آرمی چیف راحیل شریف سے ملاقاتیں کرکے اپنی معافی تلافی کرواتی رہی ہیں، یہ الفاظ ایک نجی ٹی وی چینل کے پروگرام میں سینئر صحافی چوہدری غلام حسین نے کہے، انہوں نے کہا کہ آج مریم نواز کی زبان ہی منہ میں نہیں جا رہی، سینئر صحافی نے کہا کہ مریم نواز راحیل شریف کو کہتی تھیں کہ میری جان چھڑوائیں اس کے
بعد نواز شریف نے بھی راحیل شریف سے ملاقات کرکے ان کو کہا کہ مریم نواز کی جان چھڑوا دیں، اس موقع پر سینئر صحافی چوہدری غلام حسین نے کہا کہ اچھا ہی ہوا کہ جنرل (ر) راحیل شریف کو مدت ملازمت میں توسیع نہیں ملی۔ چوہدری غلام حسین نے کہا کہ جنرل قمر جاوید باجوہ راحیل شریف سے اچھے سپہ سالار ثابت ہوئے ہیں اور وہ ان سے بہتر کام کر رہے ہیں۔
