نئی دہلی (نیوز ڈیسک) سابق وزیراعظم میاں محمد نواز شریف نے ایک انٹرویو میں ممبئی حملوں سے متعلق بیان دیا تو اس بیان پر بھارت میں پاکستان مخالف مہم شروع ہو گئی، اب بھارتی میڈیا میں یہ پروپیگنڈہ کیا جا رہا ہے کہ نواز شریف کو ممبئی حملوں میں پاکستان کے ملوث ہونے کا اعتراف کرنے پر جیل بھیجا جا سکتا ہے۔ انڈیا ٹائمز میں اس خبر کی
ہیڈ لائن ایسی دی گئی ہے کہ سابق وزیراعظم پاکستان کو ممبئی حملوں میں اپنے ملک کے ملوث ہونے کا اعتراف کرنے پر جیل ہو سکتی ہے۔ انڈیا ٹائمز نے اپنی رپورٹ میں لکھا ہے کہ سابق وزیراعظم میاں نواز شریف کے ممبئی حملوں میں پاکستان کے ملوث ہونے کے اعترافی بیان پر پاکستان کی اعلیٰ عسکر ی اورسول قیادت کے درمیان ایک میٹنگ متوقع ہے۔
