اسلام آباد(این این آئی)وزیراعظم شہباز شریف کی صدارت میں وفاقی کابینہ کا اجلاس آئینی ترمیم پر کسی فیصلے کے بغیر ختم ہوگیا۔میڈیارپورٹ کے مطابق اجلاس (آج)ہفتہ کی صبح ساڑھے 9بجے تک کے لیے ملتوی کیا گیا ہے۔
امکان ظاہر کیا جارہا ہے کہ آئینی ترامیم کا مسودہ وفاقی کابینہ کے (آج)ہفتہ کو ہونے والے اجلاس میں منظور کرلیا جائے گا۔وفاقی کابینہ کے اجلاس سے قبل وزیر اعظم نے ایوان صدر میں صدر مملکت آصف علی زرداری سے ملاقات کی۔ذرائع کے مطابق ملاقات میں آئینی مسودہ کے متعلق تبادلہ خیال کیا گیا۔اس سے پہلے سینیٹ اور قومی اسمبلی کے اجلاس بھی (آج)ہفتہ تک ملتوی کر دئیے گئے تھے۔
