اسلام آباد (این این آئی)ایران اور اسرائیل کے درمیان کشیدگی میں مزید اضافہ نہ ہونے کے باعث عالمی منڈی میں خام تیل کی قیمتوں میں معمولی کمی دیکھی گئی ہے۔غیر ملکی میڈیا کے مطابق برینٹ خام تیل کی قیمت 81سینٹ کی کمی کے بعد 89.64ڈالر فی بیرل ہے۔

ڈبلیو ٹی آئی کی قیمت 69 سینٹ کمی کے بعد 84.97 ڈالر فی بیرل کی سطح پر ہے۔گزشتہ ہفتے ایران اور اسرائیل کے درمیان کشیدگی میں اضافے کے باعث تیل کی قیمتیں اکتوبر 2023کے بعد سے بلند ترین سطح پر پہنچ گئیں تھی تاہم اب قیمتوں میں کمی کا رجحان ہے۔تجزیہ کاروں کے مطابق ایران اسرائیل کشیدگی برقرار رہی تو خام تیل قیمت 100ڈالر فی بیرل تک بڑھ سکتی ہے۔