اسلام آباد (این این آئی)چیئرمین پاکستان تحریک انصاف عمران خان نے پنجاب کابینہ میں توسیع سے لاعلمی کا اظہارکیا ہے۔نجی ٹی وی کے مطابق عمران خان نے خیال کاسترو سے کہا کہ انہیں علم نہیں تھا کہ آپ وزیر بن رہے ہیں، وہ تو سمجھے تھے کہ انہیں کسی محکمے کی سربراہی دی جارہی ہے۔ذرائع کے مطابق عمران خان نے کہا کہ چلیں کوئی بات نہیں لیکن آپ کے وزیر بننے سے ہمارے بیانیے کو نقصان پہنچا ہے۔اس معاملے پر فیصل واوڈا نے کہا کہ ’خان صاحب! آپ کیمطابق آپ لاعلم ہیں، پنجاب حکومت میں پی ٹی آئی کا ایک وزیربنادیا گیا۔فیصل واوڈا نے کہا کہ پہلے بھی کہا تھا آپ کی لاعلمی کافائدہ اٹھاتے ہوئے سانپ اور کیڑوں نے آپ کو بندگلی میں پہنچا دیا ہے، پلیز آپ لاعلمی سے نکلیں ورنہ نقصان اور ہوگا۔