اسلام آباد (آن لائن)تحریک انصاف کے اسلام آباد میں ممکنہ دھرنے کے پیش نظر اسلام آباد پولیس نے 1100 سے زائد کنٹینر اکٹھے کر لیے۔
ذرائع نے بتایا کہ دھرنے کے اعلان کے بعد اسلام آباد کو ایک ہفتے کے لیے مکمل سیل کر دیا جائے گا ،اسلام آباد کے سکول و کالجوں میں چھٹیاں اور امتحانات ملتوی کیے جائیں گے ،ذرائع نے مزید بتایا کہ اسلام آباد کو پولیس سمیت پچیس ہزار کی نفری فراہم کی جائے گی جبکہ ان کے پاس پچاس ہزار ربڑ گولیاں ہونگی ،سیکورٹی ادروں کو ساٹھ ہزار سے زائد آنسو گیس کے شیل فراہم کر دیے گئے،اسلام آباد کو دس ڈرون فراہم کیے جائیں گے جن کے زریعے شیل مظاہرین پر پھینکیں جائیں گے،اینٹی رائیٹ کے لئے پہلی مرتبہ ہیلی کاپٹر بھی استعمال کیا جائے گا ،سیکورٹی اداروں نے پی ٹی آئی کے فنانسرز کے گرفتاریوں کے لیے لسٹیں تیار کر لی ،عمران خان نے اگر بنی گالہ سے دھرنے کا اعلان کیا تو بنی گالہ کو سب جیل قرار سے کر انہیں وہیں ہاؤس اریسٹ کر کیا جائے گا ۔
