لاہور ( این این آئی) چیئرمین پی ٹی آئی کی بہن علیمہ خان نے کہا ہے کہ میں جناح ہائوس نہیں گئی مگر مجھے نامزد کردیا گیا، عدالت انصاف کے لیے آئے ہیں انصاف دیاجائے۔لاہور کی انسداد دہشت گردی عدالت میں جلائو گھیرائو کیسز کی سماعت ہوئی، اسدعمر، چیئرمین پی ٹی آئی کی بہنوں سمیت دیگر کی عبوری ضمانتوں پر سماعت جج عبہر گل نے کی۔ملزمان نے عدالت پیش ہوکر حاضری مکمل کروائی، چیئرمین پی ٹی آئی کی بہن علیمہ خان نے عدالت میں بیان دیا کہ میں جناح ہائوس نہیں گئی مگر مجھے نامزد کردیا گیا، عدالت انصاف کے لیے آئے ہیں، ہمیں انصاف دیا جائے۔عدالت نے پولیس سے تفتیش کا ریکارڈ طلب کرتے ہوئے ملزمان کی ضمانتوں میں چار اکتوبر تک توسیع کردی۔