اسلام آباد (این این آئی) وزیر اعظم کی ہدایت پر اقتصادی رابطہ کمیٹی نے یوریا کی بوری پر جی آئی ڈی سی ختم کرنے کا فیصلہ کرلیا۔ میڈیا رپورٹ کے مطابق جی آئی ڈی سی ختم کرنے سے یوریا کی قیمت میں بیس فیصد تک کمی آئے گی، اس سے قبل یہ اضافی رقم جی آئی ڈی سی کی مد میں کسانوں سے وصول
کی جاتی تھی۔ وزیرِ اعظم عمران خان نے کسانوں کو ریلیف فراہم کرنے کے لئے ای سی سی کو ہدایت کی تھی کہ یوریا کی قیمتوں میں کمی کے لئے فوری اقدامات کیے جائیں۔ وزیر اعظم عمران خان سے وزیر برائے نیشنل فوڈ سیکیورٹی مخدوم خسرو بختیار اور مشیر تجارت عبدالرزاق داؤد نے بھی ملاقات کی۔
