اسلام آباد(مانیٹرنگ ڈیسک) اٹک میں ضلع کونسل کی چیئر مین شپ کیلئے میدان سج چکا ہے اور سیاسی حریف آمنے سامنے آچکے ہیں مگر حیرت انگیز بات یہ ہے کہ چیئرمین شپ کیلئے مسلم لیگ (ن) اور پی پی پی کی جانب سے وفاقی وزیر داخلہ چودھری نثار علی خان کے بھانجے احسن علی خان اور مسلم لیگ (ق) میجر گروپ اور پی ٹی آئی کی مشترکہ امیدوار چودھری شجاعت کی بھانجی اور سابق ضلع ناظم میجر طاہر صادق کی صاحبزادی ایمان طاہر ایک دوسرے کے مد مقابل ہیں۔
نتیجہ کیا نکلے گا یہ تو کسی کو معلوم نہیں تاہم اٹک کی عوام کا جوش قابل دید ہے اور دونوں اطراف لیڈران کے سپوٹران نہایت پر جوش دکھائی دے رہے ہیں۔
