اسلام آباد (این این آئی)سپریم کورٹ آف پاکستان نے رواں ہفتے کا ججز روسٹر جاری کردیا،چیف جسٹس اوردو سینئر ججز نے 5 بینچ تشکیل دیے۔روسٹر چیف جسٹس سمیت دو سینیئر ججز کی مشاورت سے جاری کیا گیا۔ چیف جسٹس اوردو سینئر ججز نے 5 بینچ تشکیل دیے۔بینچ نمبر ایک میں چیف جسٹس پاکستان قاضی فائز عیسیٰ، جسٹس امین الدین اور جسٹس اطہرمن اللہ شامل ہیں جبکہ بینچ نمبر 2 میں جسٹس سردار طارق اور جسٹس مسرت ہلالی ہیں۔بینچ نمبر 3 میں جسٹس اعجازالاحسن، جسٹس منیب اختر اور جسٹس شاہد وحید اور بینچ نمبر 4 میں جسٹس یحییٰ آفریدی، جسٹس مظاہراکبرنقوی اور جسٹس محمدعلی مظہر شامل ہیں۔

بینچ نمبر 5 میں جسٹس جمال مندوخیل، جسٹس عائشہ ملک اور جسٹس حسن اظہر رضوی شامل ہیں۔نجی ٹی وی کے مطابق سپریم کورٹ کے فل کورٹ نے پریکٹس اینڈ پروسیجر ایکٹ پربینچزبنانے سے متعلق حکم امتناع ختم کردیا جس کے بعد پریکٹس اینڈپروسیجرایکٹ کے مطابق چیف جسٹس 2 سینیئر ججز سے مشاورت کرکے بینچ تشکیل دیں گے۔سپریم کورٹ پریکٹس اینڈپروسیجرایکٹ میں شامل دیگر معاملات پر فل کورٹ سماعت جاری رہے گی۔