اسلام آباد(مانیٹرنگ ڈیسک)سابق چیئرپرسن بی آئی ایس پی ماروی میمن جوآئے روز کچھ نئے انکشافات کر رہی ہیں اور جلد پریس کانفرنس کرنے کا اعلان بھی کرچکی ہیں۔ اس ضمن میں بہت سے لوگوں کی نگاہیں ان کی طرف مرکوز ہیں کہ وہ کون سے راز ہیں ۔
جو وہ اپنے سینے میں دفن کیے بیٹھی ہیں۔آج ماروی میمن نے ایک بار پھر ٹویٹ کرتے ہوئے اسحاق ڈار کی ذات پر انتہائی حساس الزامات لگائے، ان کا کہنا تھا کہ ” انوشہ، اسحاق ڈار کو انکل کہتی تھی اور ڈار مجھے یقین دلانے کے لیے کہ وہ اس کے انکل ہی ہیں، اس کے لیے کچھ اور کہتے تھے لیکن اصل میں دونوں کے درمیان کیا تعلق تھا وہ جلد اس بارے انکشاف کریں گی۔ دریں اثناپاکستان مسلم لیگ (ن) کی رہنما ماروی میمن نے سابق وفاقی وزیرخزانہ اسحاق ڈار سے خفیہ شادی کے متعلق 3 برس بعد خاموشی توڑنے اور تہلکہ خیز انکشافات کرنے کی تیاری کرلی ہے۔ سماجی رابطے کی ویب سائٹ پراپنے ایک پیغام میں ماروی میمن نے کہا کہ عزت سے سچ بتا کر معافی مانگنے میں اگر مسئلہ ہے تو پھر بے عزتی ہی آپ کا مقدر ہے،اب تین سال ہونے کو ہیں لیکن اب میرے خیال سے اس میں ایک دن بھی تاخیر کی گنجائش نہیں ہے۔ اپنے پیغام میں ماروی میمن نے کہا کہ اگرحقائق کوتسلیم کرنےمیں تاخیرکی گئی تو وہ تمام حقائق ایک پریس کانفرنس کے ذریعہ عوام کے سامنے لائیں گی۔سابق وفاقی وزیرخزانہ اسحاق ڈار سے ماروی میمن کی خفیہ شادی کے متعلق کھلے عام کوئی اعلان یا اعتراف تو اب تک سامنے نہیں آیا،البتہ ماروی میمن نے اس حوالے سے اشاروں میں کئی ٹویٹس کرکے اسحاق ڈارکووارننگ دی ہے کہ معاملہ طے نہ پانے کی صورت میں وہ ایک پریس کانفرنس میں تمام حقائق سامنے لائیں گی۔
