اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے معروف صحافی ہارون رشید کا کہنا ہے کہ شہبازشریف اور رانا مشہود کے خلاف وعدہ معاف گواہ مل گئے ہیں۔ اس لئے شہباز شریف اور رانا مشہود کے گرفتاری سے بچنے کے کوئی چانسز نہیں ۔ہارون رشید کا مزید کہنا تھا کہ شہباز شریف پچھلے دنوں غصے میں آ گئے تھے جس کی ٹیپ بھی موجود ہے۔شہباز شریف نے افسران کو دھمکیاں دیں اور کہا کہ میں

ایک ایک کو دیکھ لوں گا۔شہباز شریف نے کہا کہ مجھے آپ لوگوں کا ایک ایک جملہ یاد ہے اور میں آپ لوگوں کو چھوڑوں گا نہیں۔لیکن اس کے بعد شہباز شریف کے ہوش ٹھکانے آ گئے اور انہوں نےمعذرت کی کیونکہ شہباز شریف کو اندازہ ہو گیا تھا کہ وہ مشکل میں پھنس سکتے ہیں۔ہارون رشید کا مزید کہنا تھا کہ یہ لوگ باپ سے بیٹی اور بیٹی سے بھائی کو پیسے منتقل کرتے تھے تاکہ ان پیسوں کو باآسانی ٹریس نہ کیا جا سکے۔

موضوعات:ہارون الرشید