شادی سے قبل صاحبہ کے نخرے دیکھ کر ڈر گیا تھا کہ شادی کے بعد کیا ہوگا،ریمبو

24  فروری‬‮  2024

کراچی(این این آئی)پاکستانی شوبز انڈسٹری کے معروف اداکار ریمبو (افضال خان)نے انکشاف کیا ہے کہ صاحبہ سیٹ پر اپنے جوتے تک خود نہیں پہنتی تھی،ان کے نخرے دیکھ کر ڈر گیا تھا کہ آگے معاملات کیسے چلیں گے لیکن انہوں نے اپنے آپ کو بہت تبدیل کیا۔حال ہی میں ریمبو اور ان کی اہلیہ و اداکارہ صاحبہ نے نجی ٹی وی چینل کے شو میں بطور مہمان شرکت کی اور نجی زندگی پر کھل کر گفتگو کی۔دوران انٹرویو ریمبو نے یہ اعتراف کیا کہ انہیں بہتر انسان بنانے میں صاحبہ کا ہاتھ ہے، ورنہ وہ ماضی میں بہت غلط فیصلے کرتے رہے ہیں۔دوران گفتگو صاحبہ نے بتایاکہ ان کی ابتدائی فلمیں مسلسل فلاپ ہو رہی تھی اس لیے انہیں ایک اچھے ہیرو کی تلاش تھی، اسی دوران ایک فلم انہوں نے ریمبو کیساتھ کی جو کہ خوش قسمتی سے کامیاب ہوگئی جس کے بعد دیگر فلموں کی آفرز ہوئیں۔انہوں نے بتایا کہ کام کے سلسلے میں ان دونوں کا بیشتر وقت ایک ساتھ گزرنے لگا اس دوران ریمبو کو قریب سے جاننے کا موقع ملا، ان کی کئی عادتیں اچھی لگیں بالخصوص وہ خواتین کے ساتھ جس طرح پیش آتے، انہیں عزت دیتے تھے۔

اس کے برعکس ریمبو نے انکشاف کیا کہ انہوں نے صاحبہ کو پہلی بار اخبار میں دیکھا تھا، ان کے انٹرویو میں ان کی تصویر دیکھی تو اسی وقت ان پر فدا ہوگیا تھا۔انہوں نے بتایاکہ صاحبہ سے شادی کرنے کیلئے انہیں اپنی ساس اور ماضی کی مقبول اداکارہ نشو کو 6سال تک راضی کرنا پڑا، انہوں نے 4سال بعد رضا مندی اس شرط پر دی کہ ہم مزید 2سال اور کام کریں اس کے بعد شادی کریں۔ریمبو نے کہاکہ جب میرا اور صاحبہ کا رشتہ پکا ہوا تو میرے والدین صاحبہ کو بہو بنانے سے بہت ڈر رہے تھے کیونکہ صاحبہ اونچے خاندان کی معروف اداکارہ تھیں جبکہ میرے والدین سادہ تھے، میرے خاندان کا دور دور تک شوبز انڈسٹری سے کوئی تعلق نہیں تھا۔

اداکار نے کہاکہ والدین کی طرح میں بھی ڈرتا تھا کہ صاحبہ میری فیملی کے ساتھ رہ سکے گی یا نہیں کیونکہ صاحبہ تو جوتے تک خود نہیں پہنتی تھی،شادی سے پہلے جب وہ سیٹ پر آتی تو ان کے ساتھ ان کا مینجر، سیکیورٹی گارڈ، ڈرائیور اور ایک خاتون ملازمہ ہوتی تھی جو انہیں جوتے بھی پہناتی تھی۔انہوں نے بتایاکہ جب ہماری شادی ہوئی تو صاحبہ کو دیکھ کر میرے والدین کا ڈر ختم ہوگیاکیونکہ صاحبہ نے خود کو اتنی خوبصورتی سے ان کے انداز میں ڈھال لیا کہ کوئی اندازہ نہیں لگا سکتا تھا کہ وہ اتنے اونچے خاندان سے آئی ہیں۔انہوں نے صاحبہ کی والدہ اداکارہ نشو کی بھی تعریفیں کیں اور کہا کہ انہوں نے اتنی بڑی اداکارہ ہونے کے باوجود اپنی بیٹیوں کی اچھی تربیت کی، انہیں امور خانہ داری سکھائی۔اداکار نے کہا کہ صاحبہ کا اخلاق دیکھ کر آج میرے خاندان والے کہتے ہیں کہ تمہیں بہت اچھی بیوی ملی ہے، ہم تمہارے لیے اتنی اچھی بیوی نہیں ڈھونڈ سکتے تھے۔



کالم



عمران خان پر مولانا کی مہربانی


ڈاکٹر اقبال فنا کوہاٹ میں جے یو آئی کے مقامی لیڈر…

بھکارستان

پیٹرک لوٹ آسٹریلین صحافی اور سیاح ہے‘ یہ چند…

سرمایہ منتوں سے نہیں آتا

آج سے دس سال قبل میاں شہباز شریف پنجاب کے وزیراعلیٰ…

اللہ کے حوالے

سبحان کمالیہ کا رہائشی ہے اور یہ اے ایس ایف میں…

موت کی دہلیز پر

باباجی کے پاس ہر سوال کا جواب ہوتا تھا‘ ساہو…

ایران اور ایرانی معاشرہ(آخری حصہ)

ایرانی ٹیکنالوجی میں آگے ہیں‘ انہوں نے 2011ء میں…

ایران اور ایرانی معاشرہ

ایران میں پاکستان کا تاثر اچھا نہیں ‘ ہم اگر…

سعدی کے شیراز میں

حافظ شیرازی اس زمانے کے چاہت فتح علی خان تھے‘…

اصفہان میں ایک دن

اصفہان کاشان سے دو گھنٹے کی ڈرائیور پر واقع ہے‘…

کاشان کے گلابوں میں

کاشان قم سے ڈیڑھ گھنٹے کی ڈرائیو پر ہے‘ یہ سارا…

شاہ ایران کے محلات

ہم نے امام خمینی کے تین مرلے کے گھر کے بعد شاہ…