اسلام آباد (نیوزڈیسک)کراچی: پاکستان میں ایک تولہ سونے کی قیمت ڈھائی لاکھ روپے سے بھی بڑھ گئی۔ ملک میں سونے کی قیمتوں میں اضافہ مسلسل جاری ہے اور سونے کی فی تولہ قیمت 2200 روپے بڑھی ہے جس سے فی تولہ سونا 251900 روپے کا ہوگیا ہے۔
اس کے علاوہ ملک میں 10 گرام سونے کا بھاؤ 1887 روپے اضافے سے 215964 روپے ہوگیا ہے۔عالمی بازار میں سونے کا بھاؤ 21 ڈالر بڑھ کر 2392 ڈالر فی اونس ہے جب کہ پاکستان میں سونےکی عالمی قیمت 20 ڈالر پریمیئم شامل کرکے 2412 ڈالر فی اونس ہے۔
