لاہور ( این این آئی)برقعہ پہن کر خواتین کو تنگ اور ہراساں کرنے والے 3 ملزمان کو گرفتار کرلیا گیا۔پولیس ترجمان کے مطابق چوکی ہلوکی پولیس نے دوران پٹرولنگ ویلنشیا ٹان مارکیٹ سے ملزمان کو گرفتار کیا۔ ملزمان برقعہ پہن کرعید کی شاپنگ پر آئی فیملیز کو ہراساں اور تنگ کر رہے تھے۔
ملزمان علی، زوہیب اور فیضان کے خلاف مقدمہ درج کر کے انویسٹی گیشن یونٹ کے حوالے کردیا گیا۔ایس پی ماڈل ٹائون اخلاق اللہ تارڑ نے کہا کہ سکیورٹی کے حوالے سے اہم مقامات کو فول پروف سکیورٹی فراہم کی جا رہی ہے۔ خواتین کے تحفظ کیلئے تمام وسائل بروئے کار لائے جا رہے ہیں۔
