اسلام آبا(این این آئی)چارسو بلیو پاسپورٹ غیرمجازافراد کو جاری ہونے کا انکشاف ہوا ہے۔میڈیارپورٹ کے مطابق غیرمتعلقہ اور غیرمجاز افراد کو یہ بلیوپاسپورٹ 2018سے 2022کے درمیان جاری ہوئے،چون بلیوپاسپورٹ ابھی بھی غیرمجاز افراد استعمال کررہے ہیں۔

زرائع وزارت داخلہ کے مطابق ستاون ہزار بلیو پاسپورٹ مجاز افسران اور اہلکاروں کے پاس ہیں۔ ذرائع وزارت داخلہ نے بتایاکہ پاسپورٹ اینڈامیگریشن ڈائریکٹوریٹ نے تیرہ سو ریڈپاسپورٹ بھی جاری کررکھے ہیں۔بارہ ہزارسے زائد پاکستانی پاسپورٹ غیرملکیوں شہریوں کو جاری ہونے کا انکشاف ہوا ہے، یہ پاسپورٹ سعودی حکام نے افغان شہریوں سے ریکورکیے ہیں،معاملے پر ایف آئی اے کی تحقیقات جاری ہیں۔