لاہور(این این آئی) احتساب عدالت نے صاف پانی کمپنی ریفرنس کی سماعت کرتے ہوئے شہباز شریف کی صاحبزادی رابعہ عمران اور داماد عمران یوسف کو اشتہاری قرار دیتے ہوئے آئندہ سماعت پر دونوں کی جائیدادوں کی تفصیلات طلب کرلیں۔احتساب عدالت کے جج امجد نذیر چوہدری نے کیس کی
سماعت کی۔ریفرنس میں نیب لاہور نے صاف پانی کمیشن کے سابق چیف ایگزیکٹو آفیسر وسیم اجمل، سابق کنوینر انجینئر قمراسلام سمیت 20 افراد کو نامزد کر رکھا ہے۔نیب کی رپورٹ پر عدالت نے دونوں کو اشتہاری قرار دیتے ہوئے آئندہ سماعت پر جائیدادوں کی تفصیلات پیش کرنے کا حکم دیدیا۔
