اسلام آباد(مانیٹرنگ ڈیسک)معروف صحافی عارف حمید بھٹی نے دعویٰ کیا ہے کہ وزیراعظم عمران خان کے قریبی دوست جس طرح سے امیر ہوئے ہیں انہوں نے پچھلے 10 سالوں کا ریکارڈ بھی توڑ دیا ہے۔ نجی ٹی وی پروگرام میں بات کرتے ہوئے انہوں ںے دعویٰ کیا کہ وہ خود ایسے تین لوگوں سے ملے ہیں۔ عارف حمید بھٹی کا کہنا تھا کہ وہ لوگ خود اپنے کانوں کو ہاتھ لگا رہے تھے کہ یہ ہم سے کیا ہوگیا ہے۔اس سے قبل بات کرتے ہوئے عارف حمید بھٹی نے

مزید کہا کہ نواز شریف کی امریکا میں کچھ گفتگو ہوئی ہے۔لابنگ کرنے والوں نے نواز شریف سے کہا کہ آپ سیاسی جماعتیں مل کر پاکستان میں حالات خراب کرنے کی کوشش کریں اور حالات خراب کرنے کی وجہ یہ بتائیں کہ عمران خان نا اہل ہیں اور ملک نہیں چلا پا رہے۔ہو سکتا ہے کہ یہ پاکستان کو چین سے دور کرنے کی ایک کوشش کے طور پر کیا جا رہا ہو۔آرمی چیف کا دورہ سعودی عرب بھی اسی سلسلے کی ایک کڑی ہے لیکن ابھی ہم اتناگہرائی میں نہیں جاتے۔