لاہور(این این آئی) مسلم لیگ (ن) کے رہنما احسن اقبال نے کہا ہے کہ شریف خاندان کے لندن میں 2 فلیٹس حرام اور پی ٹی آئی لیڈروں و وزرا کے کے 5،5 فلیٹس بھی حلال ہیں۔ احسن اقبال نے اپنی ٹوئٹ میں کہا کہ شریف خاندان جو نواز شریف کی سیاست میں آمد سے قبل ملک کے ٹاپ بزنس گروپس میں سے ایک تھا اس کے دو لندن فلیٹس حرام اور پی ٹی آئی کے لیڈروں اور وزراء کی آفشور کمپنیاں اور لندن میں 5۔5 فلیٹس جن کا نہ اتا معلوم نہ پتہ معلوم وہ حلال ہیں،

کیا یہ انصاف ہے؟ ذرا سوچئے!ایک اور ٹوئٹ میں مسلم لیگ (ن) کے رہنما نے کہا کہ پرویز مشرف نے نواز شریف کا 9 سال احتساب کیا، 2 سال سے پاناما کے نام پر کڑا احتساب ہو رہا ہے ٗمجھے خوشی ہے کہ ہمارے لیڈر کے خلاف سرکار کے کاروبار میں ایک پیسے کی کرپشن کا کوئی کیس نہیں۔انہوں نے کہاکہ سابق وزیر اعظم کے مرحوم والد کے کاروبار پر نام نہاد احتساب ہو رہا ہے۔ نواز شریف کا قصور عوامی مینڈیٹ سے کرپشن پر آواز اٹھائی۔