رائے ونڈ (مانیٹرنگ ڈیسک)سابق صوبائی وزیر چودھری عبدالغفور نے ملعون آسیہ کی بریت و سپریم کورٹ پاکستان کے 31 اکتوبر 2018 ء کے فیصلہ کے خلاف نظر ثانی کی اپیل دائر کردی ہے، انہوں نے سپریم کورٹ لاہورر رجسٹری میں صحافیوں سے گفتگو کرتے ہوئے کہا پاکستان کے حکمرانوں اور اپوزیشن کو ان حالات میں سپریم کورٹ آف پاکستان کے مذکورہ فیصلہ کی وجہ سے صورتحال پیدا ہوگئی ہے، سب کو ملکی سالمیت کی خاطر یکجا ہوکر اس بحرانی کیفیت سے نکلنا چاہیے اور اپنا اپنا کردار سرانجام دینا چا ہئے۔

انہوں نے نظر ثانی کی پٹیشن دائر کرنے اور قانونی طور پر اس سلسلے میں مدد کرنے پر آفتاب باجوہ ایڈوکیٹ کا شکریہ بھی ادا کرتے ہوئے مزید واضح کیا کہ ناموس رسالتؐ کی خا طر ہر پاکستانی ایک جیسے جذبات رکھتاہے جس کا ثبوت آج پوری قوم نے کراچی تا خیبر احتجاج کرکے دے دیاہے،انہوں نے کہا کہ سپریم کورٹ کے فیصلہ سے ہر مسلمان تشویش میں مبتلا ہے ،کیونکہ مسلمان ہونے کیلئے آقاکریم ؐ سے عشق پہلی شرط ہے ،انہوں نے کہا کہ موجودہ صورتحال کو جلد قابو میں لانا حکومت کی اولین ترجیح بنتا ہے۔