پشاور(این این آئی)خیبر پختونخوا اسمبلی پر جھنڈے لگانے والے لیگی کارکنوں کے خلاف ایڈوکیٹ جنرل نے پولیس کو کاروائی سے روک دیا۔خیبرپختون خوا اسمبلی پر جھنڈے لگانے والے لیگی کارکنوں کے خلاف پولیس کو کاروائی سے روک دیا گیا۔ذرائع کے مطابق ایڈوکیٹ جنرل عبدالطیف یوسفزئی کی جانب سے پولیس کو لکھے گئے خط میں کہا گیا ہے کہ اسمبلی گیٹ پر جھنڈے لگانا اور باہر دھرنا دینا جرم نہیں،اسمبلی سیکرٹریٹ نے پولیس کو اسمبلی پرجھنڈے لگانے والوں کے خلاف کاروائی کے احکامات دیئے تھے جبکہ پولیس نے اسمبلی پرجھنڈے لگانے والوں کیخلاف کاروائی کیلئے ایڈوکیٹ جنرل سے قانونی رائے مانگی تھی جس پر انہوں نے پولیس کوخط ارسال کرکے پولیس کوکاروائی سے روک دیا ہے ،نون لیگ کے کارکنوں نے اسمبلی گیٹ ہر پارٹی جھنڈے لگائے تھے