اسلام آباد(مانیٹرنگ ڈیسک) نیب کا بڑا یو ٹرن ،آمد ن سے زائد اثاثوں کے الزام میں فضل الرحمان کو نوٹس دینے سے انکار کر دیا،نجی ٹی وی کے مطابق نیب کا کہناہے کہ انہوں نے قائد جمعیت علمااسلام (ف)کے سربراہ مولانا فضل الرحمان کو کوئی نوٹس جاری نہیں کیا ہے اور نہ ہی فضل الرحمان کو پوچھ گچھ کے لیے طلب کیا گیاہے ۔

واضح رہے کہ ایک ہفتہ قبل یہ خبر سامنے آئی تھی کہ مولانا فضل الرحمان کو آمدن سے زائد اثاثہ جات کیس میں نیب نے پوچھ گچھ کیلئے پشاور دفتر میں طلب کر لیاہے اور انہیں یکم اکتوبر کو پیش ہونے کی ہدایت کی گئی ۔مولانا فضل الرحمان نے بھی نیب کی جانب سے کسی بھی قسم کا کوئی نوٹس موصول ہونے کی خبروں کی تردید کی تھی ۔

موضوعات:فضل الرحمن نیب