اسلام آباد(مانیٹرنگ ڈیسک)موٹروے کیس کی تحقیقات، جوڈیشل کمیشن بنانے کیلئے لاہورہائیکورٹ میں درخواست دائر، نجی ٹی وی کے مطابق ایڈووکیٹ ندیم سرور نے درخواست لاہورہائیکورٹ میں جمع کرادی ہے،درخواست میں پنجاب حکومت ،آئی جی اور سی سی پی او کو فریق بنایاگیاہے،درخواست میں موقف اختیار کیاگیا ہے کہ خاتون کی بار بار کال کے
باوجود پولیس مدد کو نہ آئی،موٹروے کیس پر سی سی پی او کابیان ملزموں کی حوصلہ افزائی کررہا ہے ،درخواست میں استدعا ہے کہ موٹروے کیس کی تحقیقات کیلئے جوڈیشل کمیشن بنانے کا حکم دیاجائے۔یاد رہے کہ اس سے پہلے نجی ٹی وی سما نیوز نے ایک ملزم کی گرفتاری کا دعویٰ کیا ہے ۔ جس کی ابھی اعلیٰ حکام کی جانب سے تصدیق سامنے نہیں آسکی ۔
