لاہور (آن لائن) پاکستان تحریک انصاف کی ڈسپلنری کمیٹی نے پارٹی آئین کے آرٹیکل 11 کی خلاف ورزی کے مرتکب ایک ایم این اے اور ایک خاتون ایم پی اے کو باقاعدہ شوکاز نوٹس جاری کردئیے ہیں۔ بتایا گیا ہے کہ پی ٹی آئی کے رکن قومی اسمبلی احمد حسین پر وفاقی وزیر خارجہ شاہ محمود قریشی پر کرپشن کے الزامات لگانے کا الزام عائد ہے جبکہ خاتون ایم پی اے
عظمیٰ کارداد پر خاتون ائول کی آڈیو ٹیپ سوشل میڈیا پر لیک کرنے کا الزام ہے۔ شوکاز نوٹس میں دونوں اراکین قومی اور صوبائی اسمبلی سے ان پر عائد الزامات کی وضاحت طلب کی گئی ہے اور انہیں ہدایت کی گئی ہے کہ پارٹی آئین کے آرٹیکل 11 کی خلاف وزری کے تحت ذاتی طور پر پارٹی کے ڈسپلنری کمیٹی کے سامنے پیش ہو کر عائد الزامات کی وضاحت کریں۔
