اسلام آباد(مانیٹرنگ ڈیسک )سوڈان نے بھی اسرائیل کو تسلیم کرنے پر اتفاق کرلیا ،عالمی میڈیا رپورٹس کے مطابق صدر ٹرمپ کی سوڈانی قیادت اور اسرائیلی وزیراعظم سے فون پر گفتگو ہوئی جس کے بعد امریکی صدر نے سوڈان کی طرف سے اسرائیل کو تسلیم کرنے کے فیصلے کا اعلان کیا۔

اسرائیلی وزیر اعظم نے اس موقع پر کہا کہ اس اقدام سے علاقائی سطح پرتبدیلی آئے گی۔دوسری جانب امریکی صدر ٹرمپ نے پھر سے دعوی کیا کہ مزید5 ممالک ہیں جو اسرائیل کو تسلیم کرنا چاہتے ہیں۔یاد رہے کہ اس سے قبل متحدہ عرب امارات اوربحرین بھی اسرائیل کیساتھ امن معاہدہ کرچکے ہیں۔

موضوعات:سوڈان