کراچی (این این آئی)معروف ہدایتکار سید نور نے دوسری شادی نہ کرنے کا مشورہ دے دیا۔نجی ٹی وی شو میں گفتگو کے دوران ہدایتکار سید نور نے ایک مداح کے سوال کا جواب دیتے ہوئے کہا کہ شادی ایک ہی کافی ہے، دوسری شادی اچھی نہیں ہوتی، کیونکہ ایسی صورت میں آپ کو بہت سے امتحانات سے گزرنا پڑتا ہے اور اگر آپ اس امتحان میں فیل ہوجائیں تو زندگی کے امتحان میں فیل ہوجاتے ہیں۔
انہوں نے اپنی بات مکمل کرتے ہوئے کہا کہ دوسری شادی کے فیصلے کو بہت بہادری اور ہمت کے ساتھ نبھانا پڑتا ہے، اس لئے بہت کم نبھا ہو پاتا ہے لیکن اللہ کا شکر ہے کہ اس نے مجھے ہمت، طاقت اور جذبہ دیا اسے نبھانے کا۔انہوں نے کہا کہ شادی ایک ہی ہونی چاہئے۔
