اسلام آباد (این این آئی)آڈیٹر جنرل آف پاکستان (اے جی پی) نے لاہور ڈیولپمنٹ اتھارٹی (ایل ڈی اے) کی سال 24ـ2023ء کی آڈٹ رپورٹ جاری کردی۔رپورٹ میں کہا گیا کہ ایل ڈی اے نے کمرشلائزیشن فیس اکٹھی نہ کرکے 7 ارب روپیکا نقصان کیا ،قبضہ نہ چھڑوانے سے 5 ارب 90 کروڑ روپے کا نقصان ہوا۔اے جی پی کی رپورٹ کے مطابق ایل ڈی اے نے حکومتی واجبات کی مد میں 90 کروڑ روپے سے زائد کی وصولی نہیں کی۔

آڈٹ رپورٹ میں بتایا گیا کہ ایل ڈی اے نے جائیداد مالکان سے زائد رقبے کی لاگت کے 36 کروڑ روپے سے زائد بھی وصول نہیں کیے ہیں۔اے جی پی کی رپورٹ میں کہا گیا کہ ایل ڈی اے نے ترقیاتی کاموں کی عدم تکمیل اور جرمانے کی مد میں 14 کروڑ روپے کی ریکوری نہیں کی ہے۔آڈٹ میں بتایا گیا کہ ایل ڈی اے متاثرین کو زمین معاوضیکی دگنی ادائیگی سے 21 کروڑ روپے کا نقصان ہوا جبکہ رہائشی املاک کے تجارتی استعمال کے جرمانے کی 5 ارب 40 کروڑ کی وصولی نہیں کی گئی۔