لاہور( این این آئی)فیڈرل بورڈ آف ریو نیو نے ٹیکس بڑھانے کے لئے شوبز ستاروں اور کرکٹرز کے ٹیکس معاملات کے لئے الگ یونٹ بنانے پر غور شروع کردیا ہے۔ایف بی آرنے ٹیکس بڑھانے کیلئے نئی حکمت عملی تیارکرلی ہے اور اس حوالے سے ذرائع کا کہنا ہے کہ شوبز ستاروںاور کرکٹرز کے ٹیکس معاملات کیلئے الگ یونٹ قائم کرنے پر غور کیا جارہا ہے۔ایف بی آر ذرائع کے مطابق مخصوص یونٹ کرکٹرز، فلم، ڈرامہ، تھیٹرز اداکار اور گلوکاروں کے ٹیکس معاملات دیکھے گا۔ذرائع نے بتایا کہ نئے یونٹ سے ایسے تمام اسٹارز کو ٹیکس نیٹ میں لانے میں مدد ملے گی جو ابھی تک ٹیکس نیٹ میں نہیں آئے، مخصوص یونٹ قائم ہونے سے ٹیکس وصولیوں میں بھی آسانی ہوگی۔