کراچی ( این این آئی) پاکستان سپر لیگ میں لاہور قلندرز کی جانب سے کھیلنے والے بیٹر فخر زمان نے اپنی ٹیم کی بولنگ لائن کی تعریف کی ہے۔ایچ بی ایل پی ایس ایل میں گزشتہ شب کراچی کنگز اور لاہور قلندرز کا مقابلہ ہوا جس میں کنگز نے قلندرز کو باآسانی 67 رنز سے شکست دی تھی ۔

کراچی کی اننگز کے دوران کیمرے پر کمنٹیٹرز بازید خان اور ڈینی موریسن سے گفتگو کرتے ہوئے فخر زمان نے کہا کہ میچ کی پچ اچھی لگ رہی ہے، اگر اس پر شاہین کا سوئنگ نہیں ہوا تو اس کا مطلب ہے کہ پچ پر زیادہ سوئنگ نہیں ہے۔انہوں نے کہا کہ کراچی اور لاہور کے درمیان میچ ہمیشہ بڑا ہوتا ہے، دونوں ٹیم کے کھلاڑیوں پر یکساں دبا ہوتا ہے، اس کا اندازہ کراڈ سے ہی لگایا جاسکتا ہے کیونکہ کراڈ بڑی تعداد میں موجود ہے۔فخر زمان نے ایک سوال کے جواب میں کہا کہ یہ اچھی بات ہے کہ سارے فاسٹ بولرز ہمارے پاس ہیں، اچھا ہے کہ میں لاہور کے خلاف نہیں کھیلتا ورنہ شاہین، حارث اور زمان کا سامنا کرنا پڑتا۔قومی بیٹر کا مزید کہنا تھا کہ ہماری فاسٹ بولنگ بہت زبردست ہے، ہم ان کی بولنگ کو انجوائے کرتے ہیں، اچھا لگتا ہے یہ ہماری طرف ہیں۔واضح رہے کہ کراچی کنگز کی جانب سے دیئے گئے 186رنز کے ہدف کے تعاقب میں لاہور قلندرز کی ٹیم 18ویں اوور میں 118 رنز بنا کر آئوٹ ہو گئی، اس طرح کراچی کی ٹیم 67 رنز سے میچ جیت گئی۔