لاہور( این این آئی)سپیکر پنجاب اسمبلی چوہدری پرویز الٰہی نے تحریک انصاف کے 26 منحرف اراکین پنجاب اسمبلی کے خلاف ریفرنس الیکشن کمیشن کو ارسال کردیا۔چیئرمین پی ٹی آئی کی جانب سے موصول ریفرنس سپیکرنے الیکشن کمیشن بھجوایا، ریفرنس میں آرٹیکل 63 کے مطابق 26 اراکین پنجاب اسمبلی کے خلاف نااہلی کی کارروائی کا کہا گیا ہے۔26 ارکان میں عبد العلیم خان،راجہ صغیراحمد، غلام رسول، سعید اکبر، محمد اجمل، فیصل حیات ،مہراسلم ، خالد محمود، نذیر چوہان، نعمان لنگڑیال ، امین ذوالقرنین، محمد سلمان ،زوار حسین ،نذیر احمد ،فدا حسین ، زہرہ بتول ، عائشہ نواز، محمد طاہر ، ساجدہ یوسف، ہارون اسلم، عظمی کاردار، ملک اسد ، اعجاز مسیح ، سبطین رضا، جاوید اختر اور محسن کھوسہ کے نام شامل ہیں۔منحرف ارکان کے خلاف سپیکر کا ریفرنس الیکشن کمیشن کو موصول ہوگیا ہے۔