لاہور( این این آئی )تحریک انصاف کے رکن قومی اسمبلی ملک کرامت کھوکھر بھی کورونا وائرس کا شکار ہو گئے ۔تفصیلات کے مطابق قومی اسمبلی میں تحریک انصاف کے رکن اسمبلی ملک کرامت کھوکھر بھی کورونا کا شکار ہو گئے، ملک کرامت کھوکھر نے مقامی ہسپتال سے
کورونا کے دو ٹیسٹ کرائے،دوسری رپورٹ مثبت آنے کے بعد رکن اسمبلی گھر میں قرنطینہ میں چلے گئے ہیں۔دوسری جانب پاکستان تحریک انصاف کے نوشہرہ سے رکن اسمبلی میاں جمشید الدین بھی کورونا وائرس کا شکار ہوگئے۔میاں جمشید الدین کے ایک بیٹے اور گارڈ میں بھی کورونا وائرس کی تشخیص ہوئی۔
