لاہور(سی پی پی) لاہور ہائیکورٹ نے لیگی رہنما رانا ثنا اللہ کی درخواست ضمانت کا 9 صحفات پر مشتمل تحریری فیصلہ جاری کر دیا۔لاہور ہائیکورٹ کے جسٹس چوہدری مشتاق احمد نے رانا ثنا اللہ کی درخواست ضمانت منظوری سے متعلق تحریری فیصلہ جاری کیا، جس میں کہا گیا کہ پراسیکیوشن نے رانا ثنا اللہ کے شریک ملزمان کی ضمانت منظوری کے اقدام کو کسی بھی عدالت میں چیلنج نہیں کیا، ٹرائل کورٹ نے
رانا ثنااللہ کی ضمانت مسترد اور شریک ملزمان کی ضمانتیں منظور کیں تھیں، پراسکیوشن نے شریک ملزمان کی ضمانت منسوخی کے لیے لاہور ہائی کورٹ سے رجوع ہی نہیں کیا، اے این ایف نے رانا ثنا اللہ کو گرفتار کرنے کے بعد ٹرائل کوٹ سے جسمانی ریمانڈ حاصل نہیں کیا۔دوسری جانب رانا ثنا اللہ کے وکلا نے تحریری فیصلے کی کاپی حاصل کرنے کے لیے لاہور ہائی کورٹ کے آفس میں درخواست دائر کر دی۔
