لاہور( این این آئی ) مسلم لیگ(ن) نے پولیس پر سرگرم لیگی کارکنوں کے خلاف مبینہ کارروائیوں کا الزام عائد کرتے ہوئے کہا ہے کہ ان کے کارکنوں کو ڈرانے دھمکانے کا سلسلہ جاری ہے ۔ لاہور کے جنرل سیکرٹری خواجہ عمران نذیر نے کہا کہ سادہ کپڑوں میں ملبوث پولیس اہلکاروں کی جانب سے ہیر پنڈ میں لیگی کارکنوں کو ڈرایا دھمکایا جارہا ہے۔ پولیس نے ہیر پنڈ میں حلقہ کے کوارڈی نیٹر معشوق مسیح کے گھر دھاوا بولے اور اور

معشوق مسیح کے نہ ملنے پر خواتین کیساتھ بدتمیزی جبکہ آر اے بازار میں چھاپہ مار کر معشوق مسیح کے بیٹے اور مقامی کونسلر ناصر مسیح کو گرفتار کرلیا۔ خواجہ عمران نذیر نے کہا کہ پولیس جان بوجھ کر کارکنوں کو ڈرا دھمکا رہی ہے تاکہ سرگرم کارکن آج ضمنی انتخاب کے موقع پر گھروں سے نہ نکلیں ۔حکومتی وزرا ء ضمنی انتخابات کے ماحول کو خراب کررہے ہیں ۔ لیکن ہم کسی کو بھی عوام کے ووٹ پر ڈاکہ نہیں ڈالنے دیں گے ۔