کراچی(نیوز ڈیسک) سندھ ہائیکورٹ کے جج جسٹس نعمت اللہ پھلپوٹونے ڈاکٹر عاصم حسین کی ضمانت کی 2 درخواستیں سننے سے انکار کردیا۔ ڈاکٹر عاصم حسین کی پہلی درخواست ان کی والدہ اعجاز فاطمہ نے دائر کی تھی جس میں موقف اپنایا گیا تھا کہ رینجرز ڈاکٹر عاصم سے کی جانے والی تفتیش پر اثرانداز ہورہی ہے۔درخواست میں رینجرز کو تفتیش میں اثر انداز ہونے سے روکنے کی استدعا کی گئی تھی۔ دوسری درخواست نیب ریفرنس میں ضمانت کے حوالے سے دائر کی گئی تھی۔عدالت نے نیب ریفرنس میں بھی ڈاکٹر عاصم کی ضمانت کی درخواست سننے سے انکار کردیا۔جسٹس نعمت اللہ پھلپوٹو نے کہا کہ دونوں درخواستیں کسی اور بنچ میں دائر کی جائیں۔