کراچی (مانیٹرنگ ڈیسک) کوئٹہ گلیڈی ایٹرز نے ٹاس جیت کر فیلڈنگ کا فیصلہ کیا، کراچی کنگز کی جانب سے اننگز کا آغاز بابر اعظم اور شرجیل خان نے کیا، شرجیل خان دس رنز بنا کر سہیل تنویر کی گیند پر کیچ آئوٹ ہو گئے۔ بابراعظم، عماد وسیم اور عامر یامین کے علاوہ کوئی بھی کھلاڑی خاطر خواہ کارکردگی نہ دکھا سکھا،

کوئٹہ گلیڈی ایٹرز کی جانب سے نسیم شاہ نے تباہ کن بائولنگ کی اور پانچ کھلاڑیوں کو آئوٹ کیا۔ سہیل تنویر نے دو کھلاڑیوں کو آئوٹ کیا، بابراعظم نے 29 گیندوں پر 32 رنز بنائے اور محمد حسنین کی گیند پر سرفراز کے ہاتھوں کیچ آئوٹ ہوئے۔ عامر یامین نے 20 ، عماد وسیم نے 26 رنز بنائے۔ اس کے علاوہ جوئے کلارک 2، ٹام لیمنبے 3، محمد نبی صفر، لوئس گریگورے 5، محمد طہ 6، محمد الیاس نے سات رنز بنائے۔ کراچی کنگز نے 17.3 اوورز میں 113 رنز بنائے اور کوئٹہ گلیڈی ایٹرز کو 114 رنز کا ہدف دیا، کوئٹہ گلیڈی ایٹرز کی جانب سے ہدف کے تعاقب میں اننگز کا آغاز کرنے کے لئے احسان علی اور وِل سمیڈ آئے۔ دونوں نے انتہائی ذمہ دارانہ بیٹنگ کا مظاہرہ کیا۔ جب کوئٹہ گلیڈی ایٹرز کا مجموعی سکور 76 ہوا تو وِل سمیڈ محمد عمران کی گیند پر 30 رنز بنانے کے بعد کیچ آئوٹ ہو گئے، ان کے آئوٹ ہونے کے بعد احسان علی کا ساتھ دینے کے لئے بین ڈکٹ آئے۔ بین ڈکٹ صرف دو رنز بنا کر رن آئوٹ ہو گئے۔ ان کے ساتھ احسان علی کا ساتھ دینے کے لئے سرفراز احمد آئے۔ سرفراز احمد نے نو گیندوں پر 16 رنز بنائے اور ناٹ آئوٹ رہے، احسان علی نے شاندار کھیل کا مظاہرہ کیا انہوں نے 57 رنز بنائے اور ناٹ آئوٹ رہے، اس طرح کوئٹہ گلیڈی ایٹرز نے مقررہ ہدف 15.5 گیندوں پر دو وکٹ کے نقصان پر حاصل کر لیا۔ کوئٹہ گلیڈی ایٹرز نے یہ میچ 8 وکٹوں سے جیت لیا۔

موضوعات:کوئٹہ گلیڈی ایٹرز