اسلام آباد(مانیٹرنگ ڈیسک)معروف صحافی اور تجزیہ کار عارف نظامی نے سابق وزیر اعظم نواز شریف کو فائٹر قرار دے دیا ۔ نجی ٹی وی پروگرام میں گفتگو کرتے ہوئے ان کا کہنا تھا کہ نواز شریف پاکستان کے صف اول کے سیاستدان ہیں۔جب اینکر فیصل عباسی نے سابق وزیر اعظم نوازشریف کی سوشل میڈیا پر وائرل ایک ویڈیو پر تبصرہ کرتے ہوئے ان کو ولن کہا تو عارف نظامی نے ٹوکتے ہوئے کہا کہ نوازشریف کو ولن کہنا زیادتی ہے، یہ ایک نامناسب سی بات ہے۔

وہ ایک فائٹر ہیں۔نواز شریف نے حال ہی میں خاموشی کو توڑ کر جو پینترا بدلا ہے وہ ایک اہم بات ہے۔حکومت کے حالات کچھ ٹھیک نہیں لگ رہے۔ اس ضمن میں انہوں نے وزیر خارجہ شاہ محمود قریشی کی جانب سے وزیر اعظم عمران خان کے پرنسل سیکرٹری کو تھپڑ رسید کرنے کی بات کی، انہوں نے وفاقی وزیر شیریں مزاری کا بھی حوالہ دیا ، انہوں نے کہا کہ اس حوالے سے اور بھی بہت سی باتیں ہیں جووہ ابھی کرنا نہیں چاہ رہے۔

موضوعات:عارف نظامی نوازشریف