گوجرانوالہ (این این آئی)گوجرانوالہ پولیس نے بیوی کو قتل کرکے لاش کے ٹکڑے ٹھکانے لگانے والے شوہر کو گرفتار کرلیا۔پولیس کے مطابق گوجرانوالہ کا رہائشی رضا اپنی بیوی کو قتل کرنے کے بعد لاش کے ٹکڑے ٹھکانے لگانے جا رہا تھا کہ پولیس نے رنگے ہاتھوں گرفتار کرلیا۔قتل کی اندوہناک واردات گوجرانوالہ کے جلیل ٹاون میں پیش آئی۔تھانا صدر کے ایس ایچ او قیصر عباس کے مطابق رضا رحمان نے اپنی بیوی عدیلہ کو گلا دبا کر قتل کرنے کا اعتراف کرلیا۔ دونوں کی گیارہ سال قبل پسند کی شادی

ہوئی تھی اور دونوں کے تین بچے ہیں۔رضا رحمان نوکری کیلئے سعودی عرب میں رہتا تھا، جہاں سے وہ کچھ روز قبل واپس آیا۔ رضا نے پہلے بیوی کو گلا دبا کر قتل کیا اور بعد ازاں لاش کے ٹکڑے کیے اور بوری میں ڈال کر قریبی ندی میں بہانے لے جا رہا تھا کہ پولیس نے دھر لیا۔پولیس کے مطابق رضا کو شک تھا کہ اس کی بیوی کا کسی سے چکر چل رہا ہے، بیوی کی بے وفائی پر دلبرداشتہ ہو کر رضا نے اسے قتل کردیا۔ رضا کا کہنا تھا کہ اس کی بیوی اس کی بات نہیں سنتی تھی۔

موضوعات:شوہر گرفتار