اسلام آباد(مانیٹرنگ ڈیسک) ملازمت کا جھانسہ دیکر عرب شیخوں کا دل بہلانے کیلئے پاکستانی لڑکیوں کو سعودی عرب سمگل کئے جانیکا انکشاف، ایف آئی اے نےدو ملزمان کو گرفتار کر لیا۔ تفصیلات کے مطابق ایف آئی اے نے ٹوبہ ٹیک سنگھ کے علاقے میں کارروائی کرتے ہوئے پاکستانی لڑکیوں کو ملازمت کا جھانسہ دے کر سعودی عرب سمگل کرنے والے دو ملزمان کو گرفتار کر لیا ہے۔ ایف آئی اے حکام کے مطابق گرفتار ہونے والے ملزمان میاں

بیوی ہیں جن کے نام ثمینہ امتیاز اور حسن امتیاز بتائے جا رہے ہیں۔ دونوں میاں بیوی نے ملازمت کا جھانسہ دے کر پاکستانی خاتون کی جواں سالہ بیٹیوں کو سعودی عرب بھجوانے کا وعدہ کیا تھا مگر انہیں پاکستان میں ہی فروخت کر دیا۔ لڑکیوں کے خریدار لڑکیوں کو غیرقانونی طور پر سعودی عرب لے گئے جہاں ان سے جسم فروشی کا کام لیا جاتا رہا ۔ ایف آئی اے گینگ کے دیگر ملوث ملزمان کیلئے چھاپہ مار کارروائیاں جاری رکھے ہوئے ہے۔

موضوعات:پاکستانی لڑکیاں سعودی عرب