اسلام آباد (مانیٹرنگ ڈیسک) ماروی میمن کو اپنے سینئر کو بائی پاس کرنے پر پاک فوج سے نکال دیا گیا، تفصیلات کے مطابق سینئر صحافی و تجزیہ نگار ڈاکٹر شاہد مسعود نے ایک نجی ٹی وی چینل کے پروگرام میں انکشاف کرتے ہوئے کہا کہ بے نظیر انکم سپورٹ پروگرام

کی سربراہ اور مسلم لیگ (ن) کی مرکزی رہنما ماروی میمن نے پاک فوج میں بھی خدمات سرانجام دی ہیں، یہ مشرف دور میں پاک فوج کے محکمہ تعلقات عامہ میں سکرپٹ و تجزیہ رائٹر تھیں، پاک فوج کے محکمہ تعلقات عامہ کے اس وقت کے سربراہ میجر جنرل شوکت سلطان کے ساتھ ان کا تنازعہ ہوا جس پر انہیں نکال دیا گیا، ڈاکٹر شاہد مسعود نے وجہ تنازعہ کے بارے میں بتایا کہ جب شوکت سلطان اس وقت کے آرمی چیف پرویز مشرف کو معمول کی بریفنگ کے لیے جاتے تھے تو ماروی میمن ان سے پہلے ہی اخبارات کی کٹنگ اور کلپنگ جنرل پرویز مشرف تک پہنچا دیتی تھیں اس وجہ سے میجر جنرل شوکت سلطان اور ماروی میمن میں تنازعہ ہوا اور انہیں پاک فوج کے شعبہ تعلقات عامہ سے نکال دیاگیا۔ ڈاکٹر شاہد مسعود نے کہا کہ ماروی میمن کو پرویز مشرف کے قریب ہونے کی بدولت مسلم لیگ (ق) میں چلی گئیں اور ماروی میمن نے جیسے ہی مشرف دور ختم ہوا ق لیگ بھی چھوڑ دی نہ صرف ق لیگ چھوڑی بلکہ سابق صدر پرویز مشرف کے خلاف بھی سخت بیانات دیے۔

موضوعات:ڈاکٹر شاہد مسعود