لندن (آن لائن) برفانی طوفانوں نے برطانیہ سمیت کئی یورپی ملکوں کو جمادیا ہے جب کہ یورپ بھر میں شدید سردی سے اموات کی تعداد 55 ہوگئی ہے۔برطانیہ میں ’ایما‘ اور ’مشرق کے درندے‘ طوفان کے باعث شدید برفباری اور تیز ہواؤں سے نظام زندگی بری طرح متاثر ہوگیا ہے جبکہ اب تک 10 افراد کے موت کی تصدیق ہوچکی ہے۔ملک بھر میں 4 ہزار سے زائد اسکول بند کردیئے گئے ہیں جب کہ ہیتھرو اور مانچسٹر سمیت دیگر ایئر پورٹس پر 500 سے زائد پروازیں منسوخ کردی گئی ہیں۔شدید برفباری کے

باعث اسپتالوں میں آپریشن بھی منسوخ کردیے گئے ہیں اور سیکڑوں گھروں میں بجلی کی فراہمی بھی معطل ہے جب کہ اسکاٹ لینڈ میں ہنگامی حالت سے نمٹنے کے لیے فوج کو بھی طلب کرلیا گیا ہے۔برف باری کے بعد برطانیہ میں مارچ کے مہینیکا تاریخ میں سرد ترین دن ریکارڈ ہوا ہے اور شہریوں کو خوراک ذخیرہ کرنے کی ہدایت بھی کردی گئی ہے۔جنوب مغربی انگلینڈ اور جنوبی ویلز میں ریڈ وارننگ برقرار ہے جب کہ محکمہ موسمیات نے برطانیہ میں سخت سردی کی لہر برقرار رہنے کی پیش گوئی کی ہے۔سرد موسم کے باعث درجہ حرارت میں کمی سے لندن میں مقامی کاروبار متاثر ہوا ہے اور مصروف مارکیٹس میں بھی خریداروں کی تعداد میں کمی ہوئی ہے۔یوکرین کے دار الحکومت کیف، اٹلی کے شہر وینس اور پولینڈ میں بھی برف باری نے شہریوں کی مشکلات بڑھادی ہیں۔یورپ میں بھر میں بھی شدید سری کا سلسلہ جاری ہے اور نظام زندگی بری طرح متاثر ہوا ہے جب کہ برطانیہ سمیت یورپ بھر میں شدید سردی سے اب تک ہلاکتوں کی تعداد 55 ہوچکی ہے۔امریکی ریاست کیلی فورنیا میں طوفان کے خطرے کے پیش نظر مختلف علاقے خالی کرانے کے احکامات جاری کئے گئے ہیں جب کہ جنوبی کاؤنٹی میں طوفان کے خطرے کے باعث ہزاروں شہریوں کو پہلے ہی انخلاء4 کا حکم دیا گیا ہے۔

امریکی میڈیا کے مطابق مونٹی سیٹو میں 30 ہزار افراد کی محفوظ مقامات پر منتقلی شروع ہوگئی ہے جب کہ سانتاباربرا میں طوفان سے پہلے انخلاء4 لازمی قرار دے دیا گیا ہے۔یاد رہے کہ کیلی فورنیا میں جنوری میں بارشوں کے باعث لینڈ سلائیڈنگ ہونے سے 21 افراد ہلاک ہو گئے تھے۔یورپ کی طرح جاپان کے شمالی علاقے بھی سرد موسم کی لپیٹ میں ہیں اور جزیرے ہوکائیدو میں شدید برف باری ہورہی ہے جہاں اب تک ایک شخص کے ہلاک ہونے کی اطلاع موصول ہوئی ہے۔برف باری کے باعث 300 ٹرینیں منسوخ ہونے ہوگئیں اور سیکڑوں مسافر اسٹیشنز پر پھنس گئے ہیں جب کہ ہوکائیدو سے آنے جانے والی 110 پروازیں بھی منسوخ کردی گئی ہیں۔محکمہ موسمیات نے اس برف باری کو بدترین برف باری قرار دیدیا ہے جبکہ شہریوں کو غیر ضروری طور پر باہر نہ نکلنے کی ہدایت جاری کی گئی ہیں