لاہور( آن لائن)لاہورہائیکورٹ نے شہریوں کو گھروں میں ماسک اور گلوز فراہمی کی درخواست ناقابل سماعت قراردے کر مسترد کردی۔میڈیا رپورٹس کے مطابق لاہورہائیکورٹ نے شہریوں کو گھروں میں ماسک اور گلوز فراہمی کی درخواست پر محفوظ فیصلہ جاری کردیا،جسٹس عائشہ اے ملک نے شہری طارق پرویز کی درخواست پر محفوظ فیصلہ جاری کیا۔

درخواست گزار کی جانب سے موقف اختیار کیا گیا ہے کہ پاکستان بھر میں کورو نا وائرس کی بنا پر لاک ڈائون ہے، درخواست میں استدعا کی گئی ہے کہ عدالت عام شہریوں کو گھروں میں گلوز اور ما سک کی فراہمی کا حکم دے، عدالت نے درخواست ناقابل سماعت قرار دے کر مسترد کر دی۔جسٹس عائشہ اے ملک نے کہاکہ عدالت پالیسی معاملات میں مداخلت نہیں کر سکتی۔

موضوعات:لاہور ہائیکورٹ