کوئٹہ(آن لائن)جمعیت علماء اسلام بلوچستان کے صوبائی امیر مولانا عبدالواسع نے کہا ہے کہ لاکھوں نوجوانوں کو تشدد اور کلاشنکوف سے دور رکھ کر پرامن آئینی جدوجہد کی راہ دکھا کر ملک کو استحکام بخشا لیکن افسوس آج بھی ہماری شناخت تشخص  کے حوالے سے مغربی آقاوں کو خوش کرنے کیلئے منفی پروپیگنڈوں کا سہارا لیا جارہا ہے

ہمیں پرامن اور آئینی جدوجہد سے اشتعال کی جانب دھکیلنے کیلئے قیادت پر جان لیوا حملے ہوئے آج بھی بعض قوتیں چاہتی ہوں گی کہ پرامن آزادی مارچ انتشار وافتراق میں تبدیل ہو لیکن ہم پرامن انداز میں اپنے مطالبات پر قائم ہیں انہوں نے کہا کہ پاکستان کو ہر محاذ پر تنہا کرنے والے ملک و ملت کے خیرخواہ نہیں دوسروں کو چور چور کہنے والا فارن فنڈنگ کے معاملے میں جھکڑا ہوا ہے ناجائز حکمران پارٹی ان لوگوں پر مشتمل ہے جن پر بدعنوانی کے سیاہ دھبے موجود ہیں آج وہ لوگ اس حکومت کا دفاع کررہے ہیں جو گزشتہ چار حکومتوں کا دفاع کرچکے ہیں انہوں نے کہا کہ مہنگائی کا سونامی لانے کشمیری عوام کے خون کا سودا کرنے والوں کا آخر دم تک پیچھا کیاجائے گا انہوں نے کہا کہ جمعیت علما اسلام کے شاہین صفت کارکنوں کا نظم اور ڈسپلن جمہوری قوتوں کیلئے مشعل راہ اس منظم انداز میں ملک اور قوم کی خدمت کرتے رہیں گے ان خیالات کا اظہار انہوں نے اسلام آباد میں جمعیت علما اسلام ضلع کوئٹہ کے امیر مولانا عبدالرحمن رفیق سنئیر نائب امیر مولانا خورشید احمد جنرل سیکریٹری حاجی بشیر احمد کاکڑ پرمشتمل وفد سے بات چیت کے دوران کیا انہوں نے کہا کہ جمعیت علما اسلام بلوچستان کے کارکنوں کی قربانیاں رائیگاں نہیں جائیں گی۔

موضوعات:مولانا عبدالواسع