نیویارک (این این آئی) اقوام متحدہ کے سیکرٹری جنرل انتونیو گوتریزکے ترجمان سٹیفن ڈیوجیرک نے کہاہے کہ اقوام متحدہ کے سیکرٹری جنرل انتونیو گوتریز سالانہ اجلاس کے دوران عالمی رہنماؤں سے مسئلہ کشمیر پر بات کریں گے۔ انتونیوجنرل اسمبلی میں مسئلہ کشمیر اجاگر کرنے کے دوران اس پر بحث کا موقع بھی استعمال کریں گے،غیرملکی خبررساں ادارے کے مطابق سیکرٹری جنرل انتونیو گوتریزا کے ترجمان نے کہاکہ اقوام متحدہ کی جنرل اسمبلی کے چوہترویں اجلاس میں شرکت

کرنیوالے مختلف رہنمائوں کیساتھ مسئلہ کشمیر پر بات چیت کریں گے۔ترجمان سٹیفن ڈیوجیرک نے نیویارک میں بریفنگ کے دوران مقبوضہ کشمیر کی صورت حال پر تبصرہ کرتے ہوئے مواصلاتی بندش کے بارے میں ایک سوال کے جواب میں کہی۔انہوں نے کہا کہ وہ جنرل اسمبلی میں مسئلہ کشمیر اجاگر کرنے کے دوران اس پر بحث کا موقع بھی استعمال کریں گے۔ترجمان نے مزید کہا کہ انتونیو گوتریز نے تنازع کشمیر کے حل کے لئے مذاکرات کی ضرورت پر بھی زور دیا اور اسے واحد حل قرار دیا۔

موضوعات:اقوام متحدہ