اسلام آباد(مانیٹرنگ ڈیسک) قومی ٹیسٹ کرکٹرز کامران اکمل،عمر اکمل اور عدنان اکمل کی والدہ قضائے الہی سے وفات پاگئیں ۔تفصیلات کے مطابق پاکستان کے معروف کرکٹرز اکمل برادران کی والدہ قضائے الٰہی سے وفات پا گئی ہیں جو کہ کافی عرصے سے علیل تھیں اور آج صبح اپنے خالق حقیقی سے جا ملیں۔کامران اکمل، عمر اکمل اور عدنان اکمل اپنی

والدہ کی وفات کے وقت نیشنل ٹی ٹونٹی ٹورنامنٹ میں اپنی اپنی ٹیموں کی نمائندگی کررہے تھے جب انہیں یہ افسوسناک خبر دی گئی۔ عدنان اکمل نے سوشل میڈیا ویب سائٹ ٹویٹر پر اپنے پیغام میں چاہنے والوں سے والد ہ کی مغفرت کے لیے دعا کرنے کی درخواست کی۔خاندانی ذرائع کا کہنا ہے کہ مرحومہ کی نماز جنازہ کے وقت کا اعلان بعد میں کیا جائے گا ۔

موضوعات:اکمل برادران والدہ وفات